Sameinaðir stöndum við - sundraðir föllum við!

Klárum okkar mál

Mon, 18 Sep 2006 20:53:30 GMT

Sælir félagar, Ekki mikil svörum við sms-um í dag því miður, þannig að ekkert verður af verkefninu á morgun :( En skylda að klára pappírsmálin við Braga sem fyrst, fara til hans í Leiksport og klára sín mál, sjáum sóma okkar í því að klára þetta og það fljótt. kveðja Addó

Maggi mark á ferð

Sat, 29 Jul 2006 22:46:03 GMT

Sælir strákar mínir.

Maggi hér á ferð. Sýnist orðið ljóst að síðan er orðin allt annað en ætlað var í byrjun. Nú er komið svo að send hefur verið ósk til blog.central.is um að síðu þessari verði lokað.

Þetta er gert í samráði við þjálfara liðsins báða og eins og annað sem ég hef gert meint til þess eins að styrkja ykkur elskurnar mínar í baráttunni!!

Sannfærður um það að þið munuð standa undir merkinu stóra á þriðjudaginn og sigra Sindramenn, og þaðan frá hefja sókn upp töfluna!!!!!!

Frá og með mánudegi verður því síðan lokuð. Skulum ekki láta næstu daga fyllast af leiðindakommentum.

Áfram ÍR.....

Æfing mánudag

Tue, 18 Jul 2006 12:54:46 GMT

Æfing kl 18 30 í dag sjáumst hressir

Addó, Binni og Sigurjón

Æfing sunnudag

Sat, 15 Jul 2006 14:12:09 GMT

Æfing á sunnudag kl 18 30 Kveðja Addó og Sigurjón

Næsta æfing

Fri, 14 Jul 2006 20:45:43 GMT

Muna það er æfing kl.10:00 á laugardaginn. Menn mæta svo hressir og saddir efti flotta grillveisliu hjá Trausta

Kv Sigurjón og Addó

Föstudagur 14 júlí

Fri, 14 Jul 2006 16:32:42 GMT

Það er æfing kl:18.30

Sjáumst þá strákar

Kv Sigurjón

Yfirlýsing frá Magnúsi Þór

Wed, 12 Jul 2006 22:57:03 GMT

Kæru vinir.

Fyrir æfingu í kvöld tilkynnti ég ákvörðun mína um að hætta þjálfun meistaraflokks karla hjá ÍR.

Þessi ákvörðun er sú næsterfiðasta sem að ég hef tekið á ævinni, á eftir því að standa í skilnaði fyrir nokkrum árum. Þessi ákvörðun er tekin af vandlega hugsuðu máli, í samráði við meistaraflokksráð félagsins.

Alveg er ljóst að eftir fína byrjun á keppnistímabilinu í vor hefur skipið rekið af leið. Klárt mál er að skipstjórinn ber heilmikla ábyrgð og það er við henni sem ég er að bregðast. Sú ákvörðun er tekin með hagsmuni félagsins að leiðarljósi, en þó fyrst og fremst leikmanna.

Það er mín von að menn kíki í sinn spegil, hver og einn, hætti nú öllu voli og væli og leggi hug sinn og hjarta í það að vinna alla leiki. Skiptir engu hvar þú ert í lífinu, ef þú ert að vinna er gaman, ef þú ert að tapa er leiðinlegt. "No time for losers, 'cause we are the champions". Texti sem hollt er að hafa hlustað á af innlifun einhvern tíma á ævinni. Engu máli skiptir fyrri árangur, eða síðasti leikur. Sá næsti skiptir öllu. Í ykkar tilviki Njarðvík á mánudaginn.

Það eru 4 ár síðan ég kom aftur til ÍR. Frá þeim tíma hef ég sett allan minn hug og mína sál í það að byggja liðið og félagið upp til að ná fyrri hæðum.

Nú tók ég þá ákvörðun að stíga frá beinni þátttöku í þeim draumi. Ég vona innilega að ÍR-ingar nái án mín að láta þann draum minn rætast. Til þess þarf menn sem eru tilbúnir að leggja allt á sig til að sigra.

Á æfingu áðan var erfitt. Mjög erfitt. Ég sagði þar að ég hygðist stíga frá af fullum krafti. Ég ætla að gefa nýjum manni vinnufrið, fylgjast með á textavarpinu, en ekki vellinum. Ef nýr maður nær að negla liðinu af stað og vinna leiki verður enginn glaðari en ég, þá skála ég fyrir ykkur á sólpallinum sem verið er að byggja fyrir mig á Hellissandi!

Við aðra en leikmenn segi ég, standið nú vel við bakið á strákunum, ef þið viljið finna sökudólg hendið því á mitt breiða bak en styðjið við þá.

Takk fyrir mig og gangi ykkur vel.

Mánudagurinn eftir HM

Mon, 10 Jul 2006 09:28:09 GMT

Jæja vinir.

Þá er HM-fárinu lokið með sigri skipulagðra Ítala og allt vitlaust á franskri grundu eftir gullskallan hans Zizou.... Shit hvað kallinn missti coolið í gærkvöldi. Sýnir bara að allir eru mannlegir, líka snillingar.

Við erum líka mannlegir og þurfum þess vegna að æfa í kvöld undir okkar fjör á Selfossi annað kvöld. Sjáumst kl. 18:30 á ÍR-vellinum.

Fri í dag, fókus á Selfoss

Sun, 09 Jul 2006 11:51:28 GMT

Hæ drengir.

Fínn fótboltaleikur í gær, en á meðan við skorum ekki úr dauðafærum verður erfitt að vinna leikina.

Höldum okkur við það sem við gerðum úti á vellinum í gær og nýtum það sem fellur til okkar og þá fer allt á betri veg......

Frí í dag, sjáumst á ÍR-vellinum 18:30 á morgun.

Maggi.

Leikur við KS/Leiftur í dag

Sat, 08 Jul 2006 11:04:07 GMT

Hæhó.

Mæting í ÍR-heimilið kl. 14:15 í ferðagöllum félagsins. Stundvísir og kátir, með nesti eða búnir að borða.....

Fókus áfram.

Fimmtudagur

Thu, 06 Jul 2006 08:37:00 GMT

Hæ.

Æfing í kvöld kl. 18:30 stundvíslega. Sjáumst þá.

Frídagur, njóta!

Wed, 05 Jul 2006 09:31:04 GMT

Hæjó.

Jæja, frídagur í dag. Munum að nota hann sem hvíld og slökun.....

Skoða leikinn í kvöld og sjá snillingana í Portúgal sem loga af samkennd og sigurvilja! Forza Portugal.......

Langar sérlega að pistla um hann Arnar Þór vin okkar, Addó sem tilkynnti á æfingu á mánudag að hann hafi tapað baráttunni um brjóskið!

Ég kom til ÍR vorið 1996 utan af landi og þá var Addó náttúrulega bara unglingur, 22ja ára en búinn að vera í meistaraflokki í 6 ár. Hann tók strax vel á móti mér, enda sannkristinn Liverpool maður sem aldrei er nóg af. Ég hef síðan þá borið mikla virðingu fyrir honum og í dag vona ég innilega að ÍR fái að njóta hans áfram á öðrum vettvangi.

Bjössi vinur okkar ætti nú að skella inn tölfræði þessa vinar okkar sem hefur leikið með ÍR í 16 ár, farið í gegnum þykkt og þunnt, allt frá þeim yndislega degi sem við unnum KA 4-1 og fórum upp í efstu deildina þangað til hann skoraði að mínu mati mikilvægustu mörk í sögu þessa félags úti í Vestmannaeyjum sumarið 2004 og kom með þeim í veg fyrir þann hrylling að liðið félli í neðstu deild.

Það hefur verið heiður að spila með og þjálfa Addó. Frá fyrsta degi sem ég kom til þjálfunar hjá félaginu var Addó ákveðinn í að aðstoða mig, hvatti mig til að taka starfið að mér haustið 2004 eftir að við héldum okkur uppi og síðan þá hafa farið ótal símtöl í 6600382 til að ræða mál félagsins.

Ég hef vitað þessa niðurstöðu nú um nokkurt skeið. Jafn leitt og þetta er veit ég að Addó er gegnheill ÍR-maður og verður áfram. Af einskærri virðingu við hann veit hann nú þegar að hann fær að velja sér hlutverk hjá okkur, þegar hann þess óskar.

Tíminn leiðir í ljós hvert hlutverkið verður og hvenær það hefst. Við ÍR-ingar höfum líka áhuga á að heiðra strákinn hressilega á okkar hátt. Verið er að vinna í málum sem við látum heyra af þegar eitthvað fréttist!

FIMMÞÚSUND þakkir fyrir þitt frábæra framlag Addó!

Blautur þriðjudagur

Tue, 04 Jul 2006 08:46:18 GMT

Sælinú.

Jæja, áfram skal haldið. Markmannsæfingin byrjar kl. 17:45, aðrir hefja æfingu 18:15. Að lokinni æfingu er stungið uppá því að kíkt verði á undanúrslitaleik Ítala og Þjóðverja, sem hefst kl. 19.

Sjáumst kátir og til í átök.

Æfing í dag, mánudaginn 3.júlí

Mon, 03 Jul 2006 15:20:09 GMT

Hefst stundvíslega kl. 18:30 á ÍR-vellinum í Mjóddinni, hinni einu og sönnu.

Sjáumst þá!

Maggi.

Föstudagur - 26 tímar í leik

Fri, 30 Jun 2006 11:10:53 GMT

Sælir vinir.

Jæja, 26 tímar í leik við Völsunga. Við höfum ákveðið að breyta til fyrra horfs varðandi undirbúning fyrir leiki. Við tilkynnum 16 manna hóp + 1 sem sautjánda mann á æfingu í dag, en mætum svo kl. 11 í fyrramálið, tveim tímum fyrir leik.

Æfing í dag hefst kl. 18:30, ca. klukkutími, lokaslagurinn.

Við Sigurjón sáum slagsmálaleik á Selfossi í gær, þrjú rauð spjöld en engin mörk í þvílíkum baráttuleik. Enn ein sönnun þess hve hjartað og baráttan ræður miklu um útkomu þessarar deildar.

VIÐ ERUM TILBÚNIR Í SVOLEIÐIS!

Til hamingju stelpur með flottan árangur í gær, bikarinn í Mjóddina!